Bidaideak Bilbao BSRk Kanaria Handiari (54-61) irabazi dio eta Europara begira jarri da
Bidaideak Bilbao BSR taldeak garaipen berri bat lortu zuen asteburuan Kanaria Handiari irabazi ondoren (54-61), eta liga amaitzeko jardunaldi bi falta direnean, bigarren posizioagatik lehiatuko dira, Europan jokatzeko aukera eskainiko liokeena.
Bilbao BSR bere historiako denboraldirik onena gauzatzen ari da, momentu honetan Ohorezko Mailako sailkapenean bigarren posizioan baitago. CD Fundosa Once da partidurik galdu ez duen talde bakarra, eta euren atzetik, bilbotarrak bigarren posizioan dira, eta Europara begira jarri dira Txurdinagakoak.
