ÉLITE: Garaipen guztiak asteburu txikian

(FOTO/ARGAZKIA: Manu Márquez)

Jardunaldia ikusgarria gure Eliteko taldeentzat! Sei garaipen sei partidetan otsail handia ixteko. Nazioarteko neurketak direla eta, ez zen jardunaldirik egon ACB Ligan zein Zilarrezko LEB Ligan. Eta HGB Ausarta Barakaldok atsedenaldiko jardunaldiari aurre egin zion.

INNOVA TSN LEGANÉS 53 – LOINTEK GERNIKA BIZKAIA 76

Talde bizkaitarra sailkapeneko bosgarren postura igo da Madrileko taldeen aurka lortutako bigarren garaipen jarraiaren ondoren. Lehen laurdena parekatua izan zen (14-15) eta, bigarrenean, Anna Montañanaren neskek markagailuaren agintea hartu zuten (30-37). Busturialdekoak ihes egin ziren hirugarrenean (42-58), partidaren amaiera lasaiaz gozatzeko.

EREAGA CLÍNICA DENTAL GETXO SASKI 78 – RAISAN PAS PIELAGOS 79

Imanol Adanek zuzendutako gizonak bigarren postuan mantentzen dira Faduran berriro irabazi ondoren. Igande goizean, oso neurketa parekatua azken laurdenaren hasierara arte: zortzi minuturen faltan, 67nako berdinketa. Orduan, Eskuinaldeko taldeak 16-4ko partzial ikusgarria lortu zuen, alde erosoa eman ziona partidaren amaieran.

MONDRAGON UNIBERTSITATEA 65 – FUNDACIÓN BILBAO BASKET 77

Gure taldeentzat asteburua biribildu zen neurketan, Mikel Torreren mutilek denboraldian lehen aldiz garaitu zien taldeari mendeku hartu zioten. Bilbotarrek partidaren agintea hartu zuen bigarren laurdenean, 13 puntuko aldera joateko (18-31). Azken txanpan iritsi zen etxekoen erreakzioa (53-54), baina Barandallak eta Salinerok etxekoen itxaropenari agur esan zioten.

RESTAURANTE LOS ARCOS CB SOLARES 78 – CB SANTURTZI SK 79

Erremontada zoragarria sortu zuen talde moreak Kantabrian. Gotzon Arrietaren taldea 18 puntugatik galtzen joan zen bi minuturen faltan hirugarren laurdena bukatzeko (62-48), baina neurketari bueltan eman zion 5-23ko partzialarekin. Eta emozioz eta txandaketaz betetako amaieran, Artiñanok demboraldiko bederatzigarren garaipena eman zien bizkaitarrei.

TABIRAKO BAQUÉ 82 – GIPUZKOA EASO BASKET 78

Xabier Chicoren mutilek garaipen garrantzitsua lortu zuten permanentziarako borrokan. Donostiako taldeak zortzi puntuko aldea izan zuen 20 segunduren faltan bigarren laurdena amaitzeko (34-42), baina etxekoek partida berdindu zuten 14-6ko partzialari esker. Neurketa erabakita zegoela zirudien (79-68, 38. minutuan), baina 0-10eko partzialak emozioa eman zion. Bisitariek bi libre huts egin zituzten eta Aldecoa-Otalorak hiruko erabakigarria saskiratu zuen.

BIDAIDEAK BILBAO BSR 76 – FUNDACIÓN ALIADOS 52

Sailkapeneko hirugarren postua harrapatu zuen talde bilbotarrak, garaipen erosoa lortu ondoren Fundacion Aliados-en aurrean. Beti aurretik Adrian Yáñez-en mutilek, bere kolpea eman zutena atsedenaldia baino lehen (40-23). Arazorik gabe bigarren zatian eta 68ko balorazioa Enrique Lorenzo-Asier García bikotearentzat. Bilbotarrak beste triple-doble lortu zuen.