ARGAZKIA: Bilbao Basket
Oso asteburu ona gure Elite taldeentzat. Larrean, Javier Garcia Panizoren gizonek 8 puntuei buelta eman zieten azken 5 minutuetan. Txurdinagan, bosgarren garaipen jarraian Bidaideak Bilbaorentzat. Artxandan, Mikel Torreren gizonek bere bolada ona luzatu zuten. Eta asteburuko amaieran, denboraldiko bigarren garaipena lortu zuen Tabirakok.
BAXI MANRESA 89 – SURNE BILBAO BASKET 74
Talde bilbotarra porrot batekin iritsiko da hiru asteko geldialdira (Errege Kopa eta nazioarteko partidak). Manresan, epaileek Jaume Ponsarnau kanpora bota zuten bigarren laurdenean eta bizkaitarrak beti atzetik joan ziren. Erremontada hirugarren laurdenean gertatu zen, 4 puntura hurbilduz (55-51), baina ezin izan zen bete.
TEKNEI ZORNOTZA BIZKAIA 79 – CLINICA PONFERRADA 76
Bizkaitarrek oso garaipen garrantzitsua lortu zuten Larrean, salbaziorako borrokatik ez urruntzeko. Eta era bikainaz eskuratu zuten emaitza: azken laurdenaren hasieran, bisitariek 10 puntuko aldea izan zuten (53-63) eta 8koa bost minuturen faltan (62-70). Baina Javier Garcia Panizoren gizonek 10-2ko partzialarekin itxi zuten neurketan, bere zaleen pozerako.
IBAIZABAL 68 – GEEIG PACISA 65
Nahi Mongek zuzendutako neskek bere indarra berriro erakutsi zuen Larrean. Kurtsoaren seigarren garaipena, bosgarren sailkatuaren aurrean, neurketaren hasiera ikusgarriari esker (21-7ko emaitza lehen laurdenean). Gero, kataluniarren erreakzioari eustea egokitu zitzaion eta 8 puntuko aldea azken laurdenaren hasieran. Bisitariak puntu batera hurbildu ziren (58-57), baina bizkaitarrak beste garaipen garrantzitsua ixten jakin zuten.
FUNDACIÓN BILBAO BASKET FUNDAZIOA 85 – CONSTRUCCIONES GONZALO CASTRO 61
Mikel Torreren gizonek bere bolada ona luzatu egin zuten Artxandan: laugarren garaipen jarraian eta erraztasun handiarekin. Bilbotarrek 16 eraso errebote harrapatu zituzten partida erabakita uzteko atsedenaldian, bigarren laurdenaren 20-7ko partzialarekin (47-28). BIgarren zatian, partida berdindu zen, baina bizkaitarrek bi laurdenetan irabazi egin zuten.
TABIRAKO BAQUE 71 – LBC COCINAS.COM 69
Asteburuko amaieran iritsi zen gure taldeentzako albiste handienetako bat: Tabirako Baquek bigarren sailkatuari irabazi zion Landakon. Denboraldiko bigarren garaipena bizkaitarrentzat, 8-0eko partzial ikusgarriaren ondoren (71-67) bi minuturen faltan. Gero, sufrimendu asko, errioxarrek bi eraso izan baitzituzten garaipena lortzeko.
BIDAIDEAK BILBAO BSR 85 – REHATRANS GETAFE 56
Pasaden asteburuko Europako abentura europarraren ondoren, Adrian Yañez-en taldea ahalik eta ondoen itzuli zen ligara: bosgarren garaipen jarraian hirugarren postuan finkatzeko. Arazorik gabeko neurketa Txurdinagan, partida erabakita geratu baitzen atsedenaldian, lehen laurdenean lortutako 29-8ko partzialari esker.
