Euroligako gurpil aulki gaineko saskibaloiko Euroligak prest ditu multzoak. Apirilaren 27,28 eta 29an Txurdinagako eta Lasesarreko kiroldegietan jokatuko den lehiaketan batuko dira Europako talde indartsuenak.

Pasa den asteburuan IWBF-ko aurreko faseak jokatu ziren  Europako hainbat hiritan ( Novgorod Errusian, Nottwill Suitzan, San Agustin Madrilen eta Seveson Italian).  Bertan Champions Cup eta Euroligako azken faseetarako plazak eman ziren. Hauen atzetik Bilbon Euroligako finala jokatuko duten 8 taldeak ezagutu ditugu.

Bidaideak Bilbao SR taldearekin batera lehiatuko dira:

Galatasaray (Turkia),  Oldham Owls (Erresuma Batua), Interwetten-Coloplast Sitting Bulls (Austria) , BG Baskets Hamburg (Alemania),  Besiktas (Turkia), London Titans (Erresuma Batua) eta Kardemir (Turkia).

Zozketak, Galatasaray talde faboritoa bilbotarren multzo berean egotea ekarri du. Turkiarrek  Europako 5 kopa,Euroleague 1 eta hainbat liga eta kopa dituzte palmaresean. Jokalari oso ahaltsuak dituzte eta dena irabazteko hautagaiak dira. Ezustean hirugarren postuan geratu dira Champions Cup-eko beraien multzoan 2 garaipen (Albacete eta Cantu) eta porrot bakarrarekin (RSB Thuringia).Lehen hiru sailkatuen berdinketa eta basketaveragea aurka izatea erabakigarria izan dira Championseko lauko dinala ez jokatzeko. Horrenbestez Bilbon izango dira Euroliga irabazteko asmoz.

Interwetten-Coloplast Sitting Bulls, Austriako ligako talderik nagusiena da, 25 txapelketa baino gehiago irabazi dituelarik. Europako azken faseetan ohikoa izaten da bere presentzia. Lehen postua lortu du Errusian jokatutako aurreko fasean Santa Lucia italiarrei irabazi ondoren.

London Titans ezagunagoak dira, izan ere 2015ean Challenge Cup lehiaketako aurreko fasean elkarren aurka jokatu zuten Turkian. Partidu bietan bizkaitarrak nagusi izan ziren.

Bilbotarrak etxean jokatzeagatik sailkatu dira fase honetara. Bizkaitarren curriculuma ezin da alderatu gainontzeko taldeenekin, izan ere Bilbotarrek orain 5 urtetik jokatzen dituzte Europako lehiaketak. Lehen parte-hartzean ez ziren gai izan Challenge Cup-eko aurreko fasea igarotzeko baina 2016an azpi-txapeldun geratu ziren Banja Lukan (Bosnia) jokaturiko txapelketan.  Pasa den urtean Bilbon jokaturik aurreko partidu guztietan gailendu ziren eta ondorioz Tolosan (Frantzia) beste 7 talderen aurka jokatu zuten. Laugarren postua lortu zuten bertan eta Nazioarteko Federazioko rankingean postu asko igo zituzten. 2017ko martxoan jokaturiko aurreko fasean erakutsitako antolakuntza maila egokia izan zen Euroliga I-a antolatzeko ondorioetako bat.

LEHIAKETA PROGRAMA