Abenduko Zubiak derbi ekarri zigun LF2 ligan. Barakaldon, Ibaizabalek bere bolada ona luzatu egin zuen, neurketako amaiera ikusgarriari esker. Tercera FEB txapelketan, garaipen guztiak, 10tik 10 Zornotzarentzat. Eta Surne Bilbao porrotik gabe mantentzen da Miribillan.
SURNE BILBAO 79 – DREAMLAND GRAN CANARIA 72
Nazioarteko partidengatiko geldialdiaren ondoren, Surne Bilbao itzuli zen Miribillara, non porrotik gabe mantentzen den. Jaume Ponsarnauren mutilek kurtsoaren laugarren garaipena lortu zuten eta sailkapeneko bederatzigarren postura igo dira. Partidak bi klabe izan zituen azken minutuetan: bizkaitarren defentsa bikaina eta Jaworskiren 9 puntu, markagailuan ihes egiteko (70-63).
BAXI FERROL 71 – LOINTEK GERNIKA 57
Bizkaiako taldeak ezin izan zion jarraitasuna eman Esteponan asteazkenean lortutako garaipenari (70-86) eta galdu egin zuen Ferrolen, Kopan egoteko aurkari zuzen baten aurrean. Lucas Fernandezek zuzendutako neskek 9 puntuko aldea izan zuten lehen zatian (27-36), baina bakarrik 21 puntu saskiratu zituzten bigarrenean. Aukerak izan zituzten (59-56), baina 8-0eko partziala jaso zuten azken txanpan.
HORBISA SPIRIT GREENKW BARAKALDO 52 – IBAIZABAL 64
Lasesarreko derbian Galdakaora joan zen. Zortzigarren garaipen erreskadan Txutxi Solar-ren neskentzat, neurketako amaiera bikainari esker. Etxeko taldeak partidaren agintea hartu zuen 10-0eko partzialarekin (12-6). Ibaizabalek erantzuna eman zien hiruko marratik (25-27) eta neurketa lidertza trukatzeko fasean sartu zen. Atsedenaldian, berdinketa (37-37).
Eraso poza aldageletan geratu zen: 8-9ko emaitza hirugarren laurdenean. Partida parekatua mantendu zen eta 48nako berdinketarekin sartu zen azken 8 minutuetan. Orduan, Ibaizabalek bere kolpea eman zuen: 0-10eko partziala, Vallejoren bi hirukorekin. Eta hirugarrenak 50-63ko emaitza ipini zuen, 3 minuturen faltan.
BASKONIA 74 – TEKNEI BIZKAIA ZORNOTZA 88
10tik 10 talde bizkaitarrarentzat, bigarren sailkatuari irabazita Gasteizen. Etxeko taldeak biztaitarren erritmo suntsizaileari eutsi egin zion, nahiz eta bisitariak beti aurretik markagailuan. Atsedenaldian, Zornotzaren ihesaldia (43-51). Gasteiztarrek ez zuten amore eman eta partida estutu egin zuten (70-72, hiru minuturen faltan), baina liderrak ez zien aukera gehiagorik eman eta garaipen berri bat eskuratu zuen 0-7ko partzialarekin.
UNIVERSIDAD DEUSTO LOIOLA INDAUTXU 69 – IRUKI TAKE 59
Talde bilbotarrak garaipen handia eskuratu zuen hirugarren sailkatuaren aurrean, hirugarren laurden bikainari esker. Lehen zatian, gipuzkoarrak nagusitu ziren, 13 puntuko aldearekin (22-35). Dena aldatu zen atsedenaldiaren ondoren: hasierako 13-0ekoa partida berdintzeko eta gero 11-0eko ihes egiteko (51-39). Bisitariek ez zuten amore eman eta emaitzari buelta eman zioten (53-54). Baina Indautxuko taldeak azken kolpea eman zuen: 12-3ko partziala eta kurtsoaren laugarren garaipena.
