Maila gorenetan dauden talde bizkaitarrek modu ezinhobean hasi dute liga. Bilbao Basket eta Gernika Bizkaia euren sailkapenetako goikaldean daude, lehenengo sailkatuekin berdinduta, UCAM eta Zamaraten aurka irabazi eta gero. Zornotzak, aldiz, garesti ordaindu zuen Lucentumen aurka izandako zortzi minutuko krisia. Asteburu honetan ere EBA liga hasi da eta balantze ona izan dute gure taldeek; Santurtzik eta Mikeldik garaipena erdietsi zuten, eta Askartzak, aldiz, porrotarekin hasi zuen denboraldia.
