Hurrengo asteartean, -abenduak 15-, Bizkaiko Saskibaloiaren Behatokia aurkeztuko da Kirol Etxeko Areto Nagusian (Miribillan, 19:30etan). Gure kirolaren egoera ezagutzeko tresna izango da, ikerketa eta joerak identifikatu eta biltzeko baliagarria alegia. Era berean, horren inguruan hausnartzea, estrategiak diseinatu eta jokabide-lerroak finkatzea dira bere helburu nagusiak.

Jokalari, entrenatzaile, zuzendari, arbitro eta saskibaloiaren maitale oro daude gonbidatuta, protagonistekin feedback-a areagotze aldera betiere. Informazio guztia observatoriobizkaiabasket.com webgunean egongo da eskuragarri. Halaber, atalak eta funtzionamendua aurkezpenean bertan azalduko dira.