ARGAZKIA: Mikel de las Heras
Talde bizkaitarra txapeldun bihurtu zen Beasainen jokatutako Lauko Finalean, Baskoniari irabazi ondoren titulurako neurketan. Gasteiztarrek, hain zuzen ere, Fundacion Bilbao Basket Fundazioa gainditu zuten finalerdietan.
FINAL: BASKONIA 72 – TEKNEI BIZKAIA ZORNOTZA 83
Finala era ikusgarriaz hasi zen talde bizkaitarrentzat: 2-10reko partziala hiru minututan. Manu Morenok zuzendutako mutilek aldea mantendu zuten gasteiztarren erreakzioara arte (18-19ko emaitza lehen laurdenaren amaieran). Parekotasuna protagonista izan zen bigarren laurdenean, baina Zornotza berriro ihes egin zen bi hirukoei esker (32-38 atsedenaldian).
Eta beste bi hirukorekin bizkaitarrek 10 puntuko aldea lortu zuten hirugarren laurdenaren hasieran (38-48). Baskoniak ez zuen amore eman (50-53), baina Teknei Zornotza BIzkaiak berriro jo zuen indarrez: 53-67ko emaitza zortzi minuturen faltan. Ihesaldia behin betikoa izan zen eta bizkaitarrek 17 puntuko aldea izan zuten (65-82), Beasainen titulua altxatu baino lehen
Eta distantzia luzetik asmatutako beste birekin bizkaitarrak +10era zihoazen hirugarren ekitaldiaren hasieran (38-48). Baskoniak ez zuen etsi (50-53), baina Teknei Zornotza Bizkaiak gogor jo zuen berriro: 53-67 zortzi minuturen faltan. Azelerazioa behin betikoa izan zen eta bizkaitarrak 17 tantogatik irabaztera iritsi ziren (65-82), Beasainen titulua lortu aurretik.
FINALERDIA 1: FUNDACIÓN BILBAO BASKET FUNDAZIOA 71 – BASKONIA 75
Filial bilbotarrak agur esan zion Euskal Kopari, Beasainen jokatutako Lauko Finalaren lehen finalerdian. Bizkaitarrek eta arabarrek lehen zati parekatua eskaini zuten, 7 puntuko alderik handienarekin Baskoniarentzat (25-32). Atsedenaldian, 36-38.
Aldageletan egon ondoren, gasteiztarren kolpe handia: 4-18ko partziala eta 13 puntuko abantaila hirugarren laurdenaren amaieran (50-63). Aldea 15era igo zen, bilbotarren erremontada handia baino lehen: 11-0ekoa 71nako berdinketa lortzeko, minutu baten faltan. Baina Fundación Bilbao Basket Fundazioak ezin izan zion markagailuari buelta eman eta porrota jaso zuen.
FINALERDIA 2: TEKNEI ZORNOTZA BIZKAIA 90 – IRUKI TAKE 76
Manu Morenoren taldeak Euskal Kopa EBA finalerako txartela lortu zuen, lehen finalaurrekoaren oso antzeko garapena izan duen neurketa batean. Atsedenaldian, 38-39ko emaitza. Bizkaitarrek oso ondo erreakzionatu zuten gipuzkoarren hasiera bikainaren aurrean (5-16).
Hirugarren laurdenean, Teknei Zornotza Bizkaia ihes egin zen, 5 hirukoei esker, 14 puntuko aldea lortzeko (66-52). Lehen partidarekiko alde bakarra bizkaitarrek tolosarren erremontea baimendu ez izana zen: 12-6koa lehen minutuetan 20 puntuko abantailara joateko.
