Sake azkarra da denboraldi honetako nobedade nagusia Euskal Ligetan. Asteburu honetan hasi zen lehiaketa, 12 talde bizkaitarrarekin lehen fasean eta nobedade nagusia Salleko Gizonezkoen Kadeteetan egotea da.

NESKEN JUNIOR

Lointek Gernika denboraldiko lehen liderra da, etxean Ointxeri erraz irabazita (76-56). Zuhaitz Gonzalez-en neskek 16 puntuko aldea izan zuten (35-19) atsedenaldian, 14-0eko partzialaren ondoren.

Eta porrota Loiola INdautxurentzat Ordizian (59-51), atsedenaldian erabakitako neurketan (37-16). Bilbotarrek 17-0eko partzialarekin itxi zuten neurketa.

MUTILEN JUNIOR

Denboraldiko lehen derbia hiriburura joan zen. Fundación Bilbao Basket Fundazioak Salesianos gainditu zuen (34-106) eta lehen liderra da.

Eta Loiola Indautxuk Easoren aurrean galdu egin zuen etxean (57-72). Lehen zatia parekatua izan zen (37-36), baina neurketa okertu zen bilbotarrentzat 0-18eko partzialarekin, hirugarren laurdenaren amaiera eta azkenaren hasieraren artean.

MUTILEN KADETE

Lau talde dauzkagu maila honetan. Asteburuan, denboraldiko lehen derbia, junior mailan bezala, baina Artxandan. Garaipena (98-65) eta lidergoa Fundación Bilbao Basket Fundazioarentzat, Salesianos taldearen aurrean.

Gure beste bi taldeek porrotak jaso zituzten, biek etxean: Loiola Indautxuk galdu egin zuen Araberriren aurka (71-85), eta Sallekok, Easoren aurrean (62-92).

NESKEN KADETE

Asteburuko partidarik parekatuena Barakaldoko Salesianos Ikastetxean jokatu zen. Lointek Gernikak garaipena hartu zuen, 53-56ko emaitzarekin. Gaizka Barearen neskek beti aurretik, hasiera ikusgarriari esker (4-16), baina barakaldotarrek ez zuten amore eman eta buelta eman zioten markagailuari azken txanpan (49-48). Momentu horretan, bisitarien 2-7koa, Alaitz Ikazuriagaren hiruko klabe batekin.

Eta La Sallek denboraldiko lehen garaipena eskuratu zuen etxean, Easoren aurrean, 64-52ko emaitzarekin, 11-3ko partzialari esker azken laurdenaren hasieran.