Lehiaketa aurrera doa eta jada daukagu talde bat Lauko Finaletan, lau jardunaldiren faltan: Fundación Bilbao Basket Fundazioa, mutilen junior mailan. A2 multzoetan, gure taldeak lidergoan daude maila guztietan.

NESKEN JUNIOR – A1

Sufrimendu askorekin lortu zuen Lointek Gernikak bere bosgarren garaipena, Fundibide ISB-ren aurka (64-63). Bizkaitarrak 12 puntu atzetik hirugarren laurdenean (27-39), buelta eman zioten 18-1eko partzialarekin (45-40) eta garaipena itxi zuten 8-2ko partzialarekin eta bi hirukorekin.

NESKEN JUNIOR– A2

Lidergoa jokoan zegoen Durangoo derbian eta Fundación Bilbao Basket Fundazioak bere aldea handitu zuen lehen postuan: 34-62ko emaitza, 3-21ko partzial ikusgarriarekin azken laurdenean. Tabirako Baque hirugarren postuan mantentzen da, bigarren sailkatuarekin berdinduta.

Eta porrota etxean Loiola Indautxurentzat, Araskiren aurrean (46-63). Hirugarren porrot jarraian.

MUTILEN JUNIOR – A1

Fundación Bilbao Basket Fundazioa sailkatuta dago Lauko Finalera, 6-0eko balantzea lortu ondoren Ordizian. Bizkaitarrak beti aurretik markagailuan, etxekoen erreakzioei eusten.

Aitzitik, Loiola Indautxuk ez zuen aukerarik izan Baskoniaren aurrean (44-90).

NESKEN JUNIOR – A2

Lidergoa jokoan zegoen ere derbi batean eta Tabirako Baque, maila honetan bai, lehen postua eskuratu zuen, Suministros Imaga Miribilla Basket gaindituz (65-67). Durangoko taldea ihes egin zen hirugarren laurdenean (38-50), bilbotarren erreakzioa partida berdintzeko eta garaipena Durangora, Aimar Dominguez-ek lortutako saski bati esker.

Eta porrota What’s Up Barakaldo Salesianos taldearentzat, Araberriren kantxan (71-68), oso partida parekatuaren ondoren.

MUTILEN KADETE – A1

Neurketa klabea Lauko Finalerako txartela lortzeari begira, Fundación Bilbao Basket Fundazioak ez zuen arazorik izan Araberriren kantxan (78-107). Bizkaitarrek 3 partidako aldea dute bosgarren postuarekiko.

MUTILEN KADETE – A2

Derbi bikoitza lehen itzuliko azkenaurreko jardunaldian eta bisitariek garaipen bikoitza lortu zuten.

Bakarkako lidergoa sendotu zuen Salesianosek, Salleko Arkyzuren kantxan (53-88) eta bi garaipeneko aldea du hirugarren postuarekiko.

Eta General Óptica Berrio Otxoak agur esan zion bere bolada txarrari Leioa SBT Ondiz-en pistan (67-73), 4-12ko partzialari esker, partidaren azken txanpan.

Azkenik, Loiola Indautxuk porrota jaso zuen Jotakeren aurka (83-56).

NESKEN KADETE – A1

Bigarren itzulia hasi zen derbiarekin, Bilbon: Lointek Gernikak La Salleri irabazi zion, 41-51eko emaitzarekin. Gernikako taldea ihes egin zen 0-10reko partzialarekin,  bigarren zatiko hasieran (17-37).

Eta porrota Irlandesas taldearentzat, etxean, Ordiziaren aurka, 54-67. 45nako berdinketa laurden baten faltan, 2-10reko partziala eta etxekoek ez zuten saskiratu azken hiru minutuetan. Leioztarrak bigarren postuan mantentzen dira.

NESKEN KADETE – A2

Gure taldeak lehen eta bigarren postuan daude, garaipen guztiak lortu ondoren hirugarren astez jarraian.

Lidergoan dago Salesianos, 5-1eko balantzearekin, Urrategi ISB gainditu ondoren, 48-47ko emaitzarekin.

Eta 4-2ko balantzeakin dago Tabirako Baque, Askastuak taldeari irabazita, 82-66.