ELITE: Sei partida jarraian Surne Bilbaorentzat eta Hirugarren FEB mailako derbia Teknei Bizkaia Zornotzak irabazi du

ELITE: Seis seguidas para Surne Bilbao y derbi de Tercera FEB para el Teknei Bizkaia Zornotza

ARGAZKIA: Markel Iglesias

Jaume Ponsarnauren gizonak denboraldiko unerik onenean daude eta bere bolada ona luzatu zuten Zaragozan, 28. jardunaldiaren aurreratutako neurketan. Gainera, derbia izan genuen Larrean, Tercera FEB mailan: Teknei Bizkaia Zornotzak gainditu zuen Universidad Deusto Loiola Indautxu.

CASADEMONT ZARAGOZA 82 – SURNE BILBAO 84

28. jardunaldiaren neurketan, bere bolada bikaina luzatu zuen talde bilbotarrak: seigarren garaipen jarraian, playofferako borrokan mantentzeko. Hlinason eta Hiliard bikoteak 48ko balorazioa lortu zuen eta partida ia erabakita zegoen, 75-81ko emaitzarekin bi minuturen faltan. Baina etxekoek bilbotarren hutsegiteak aprobetxatu zituzten erreakzionatzeko eta garaipena lortzeko azken jabetza izan zuten.

LOINTEK GERNIKA 77 – BAXI FERROL 86

Hirugarren porrot jarrian bizkaitarrentzat, bakarrik garaipen bat dutenek jaitsierako postuetan dauden taldeekiko. Hasiera oso txarra Malosten eta bisitariek 20 puntuko aldeaz gozatu zuten bigarren laurdenaren hasieran. Erreakzio bikaina atsedenaldiaren aurretik (42-48), baina aurkariaren erantzuna oso azkarra izan zen (42-58). 56-74ko emaitza azken laurdenaren hasieran eta gernikarrek ez zuten amore eman: erremontada handia (77-81), baina saririk gabe.

ACEITES ABRIL ADBA SANFER 47 – IBAIZABAL 46

Denboraldiko unerik txarrenean dago Galdakaoko taldea: hirugarren porrot jarraian eta sailkapeneko hirugarren postuan. Avilesen, bizkaitarren hasiera ona (9-17) eta aukera bikaina azken laurdenean: 35-42ko emaitza zortzi minuturen faltan. Baina Ibaizabalek lau puntu gehiago bakarrik saskiratu zituen, etxekoen erremontadari atea irekiz.

MARISTAS CORUÑA 89 – HORBISA SPIRIT GREENKW BARAKALDO 52

Asteburuko amaieran gure taldeentzat, LF2 B multzoko liderrak ez zien aukerarik eman Aritz Durok zuzendutako neskeei. Galiziarrek 12-3ko partzialarekin hasi zuten neurketa eta beti aurretik joan ziren. Barakaldotarrek minutu onak eskaini zituzten bigarren laurdenean (33-22 atsedenaldian), baina ez zuten aukerarik izan bigarren zatian.

TEKNEI BIZKAIA ZORNOTZA 73 – UNIVERSIDAD DEUSTO LOIOLA INDAUTXU 61

Logika bete zen Larreako derbian eta Amorebietako taldeak bere lidergoa sendotu zuen bilbotarren aurka (lau porrot jarraian). Beti aurretik etxeko jokalariak, hasierako 10-3ko partzialetik. Hiriburuko taldeak ondo erreakzionatu zuen eta aukerekin joan ziren atsedenaldira (34-25). Neurketa hirugarren laurdenaren azken txanpan apurtu zen, 7-0eko partzialarekin (63-44).