[box]Eusko Jaurlaritzak astelehen honetan bertan, urtarrilaren 11n, jakinarazi duen bezala, eskola-kirolean entrenatzeko baimena ematen da, talde bakoitzeko gehienez 6 pertsonako indikazioei zorrotz jarraituz eta aldagelak erabili gabe. Nolanahi ere, Bizkaiko Saskibaloi Federaziotik adi egongo gara Eusko Jaurlaritzako Kirol eta Jarduera Fisikoaren Zuzendaritzak eta Bizkaiko Foru Aldundiak egin ditzaketen neurriak eta baldintzak zabaltzeko, eta ezarritako osasun-protokoloak oso kontuan har daitezela eskatzen dugu.[/box]

Berri onak eskolako saskibaloirako. Eusko Jaurlaritzak jakinarazi duenez, LABIren Aholku Batzordeak argi berdea ematen dio eskola-kirolaren praktikari.

“3. Neurri murriztaile hauen modulazioa Intzidentzia-tasa 100.000 biztanleko 500 baino gutxiago duten herrietan soilik:

—Eskola-kirola berrekiteko baimena ematea, soilik entrenamenduetan. Entrenamendu horiek gehienez ere sei pertsonako taldetan antolatu beharko dira, osaera aldatu gabe, eta aldagelak ezin izango dira erabili.

(…) LABIren Batzorde Teknikoak uste du tokiko ezohiko alarma-egoeraren adierazlea 500/100.000 biztanletan kokatzea esku-hartze selektiboa ahalbidetzen duen neurri eraginkorra dela, beharrezkoa den lekuetan. Era berean, herritarren kontzientziazioa eta prebentzio-ekintza oro har indartzen laguntzen du.”