Asteburu bikaina gure Elite taldeentzat: bakarrik HGB Ausarta Barakaldok eta Tabirako Baquek porrota jaso zuten. Lointek Gernika Bizkaiak bere bolada ona luzatu zuen Kanaria Handian eta Surne Bilbao Basketek denboraldiko hamargarren garaipeneko lasaitasunera iritsi zen.

SURNE BILBAO BASKET 84 – BASQUET GIRONA 77

Lau porrot jarraian ondoren, Jaume Ponsarnauren mutilek denboraldiko hamargarren garaipena harrapatu zuten Miribilla. Emaitza horrek lasaitasun handia emangio die bizkaitarrei, beti aurretik joan ostean, baina ihes egin gabe. Francis Alonsok 20ko balorazioa lortu zuen eta Alex Reyes-ek puntu garrantzitsuak saskiratu zituen azken txanpan.

SPAR GRAN CANARIA 59 – LOINTEK GERNIKA BIZKAIA 61

Bosgarren garaipen jarraian Anna Montañanaren neskentzat. Eta bosgarren postua izango da jokoan datorren jardunaldian Malosten, Cadi La Seuren aurkako partidan. Bizkaitarrek lehen zati bikaina jokatu zuten eta 16 puntuko aldea izan zuten (27-43) hirugarren laurdenaren erdialdean. Une honetan hasi zen etxeko erreakzioa, 52nako berdinketa ipintzeko. Sei minutu falta ziren, nerbio eta huts asko, Spreaficoren hiruko klabea eta etxekoen aukera luzapenera joateko, asmatu gabe.

TEKNEI ZORNOTZA 74 – BALONCESTO TALAVERA 69

Mikel Garitaonandiaren taldea garaipeneko bidera itzuli ziren, Larrean, hirugarren postuan mantentzeko. Oso partida parekatua hasieratik amaierara arte, eta bizkaitarrak ihes egin ziren azken laurdenaren hasieran: 55-53tik 67-58ra. Gero, alde erosoa, nahiz eta bisitarien ahaleginak.

GARDENSTORE BALONCESTO FEMENINO SEVILLA 72 – HGB AUSARTA BARAKALDO 68

Alberto Cearen neskek ezin izan zuten garaipena lortu Andaluzian. Lehen zatian, etxekoen nagusitasuna, 13 puntuko aldea lortu bigarren zatiaren hirugarren minutuan (46-33). Barakaldotarrek ez zuten amore eman eta erremontada bikaina sortu zuten, 68nako berdinketa ipintzeko minutu baten faltan. Baina buelta ematea falta zitzaien eta Flores-en hiruko batek bisitarien itxaropenei agur esan zien.

EREAGA CLÍNICA DENTAL GETXO SASKI 93 – MONDRAGON UNIBERTSITATEA 68

Eskuinaldeko taldeak sinesgarritasun handiarekin defendatu zuen sailkapeneko bigarren postua, hirugarren laurden ikusgarriari esker. Atsedenaldian, 39nako berdinketa Fadura. 10 minutu geroago, 76-50, erabateko 37-11ko emaitzaren ondoren. Etxeko 7 jokalarik 10 puntu edo gehiago saskiratu zituzten.

CANTBASKET04 68 – FUNDACIÓN BILBAO BASKET 90

Mikel Torrek zuzendutako taldeak garaipen erosoa eskuratu zuten, ondo kontrolatutako partidan. Bilbotarrak ihes egin ziren bigarren laurdenean, 2-15eko partzialari esker (26-42) eta ez zuten arazorik izan amaierara arte. Unai Barandallaren partida bikaina: 26 puntu, 6 errebote eta 33nako balorazioa.

CB SANTURTZI SK 74 – CLÍNICA SUR-ASPASIA REAL VALLADOLID BALONCESTO 66

Laugarren garaipen jarraian Ezkerraldeko taldearentzat, berriro bolada onean dagoena. Mikel Trueban, 13-3ko partziala lehen zatia bukatzeko (44-30) eta 10-2koa bigarrena irekitzeko, 18 puntua lortuz eta neurketaren amaiera lasaiaz gozatuz.

GRUPO DE SANTIAGO 71 – TABIRAKO BAQUÉ 57

Asteburuko itxieran, porrota Xabier Chicoren mutilentzat, Burgosen. Durangarrek 6 puntuko aldearekin hasi zuten bigarren zatian, baina une klabea hirugarren laurdenean iritsi zen, 43nako berdinketaren ondoren: etxekoen 13-2ko partziala, anfitrioiari alde erosoa eman ziena garaipenera iristeko.

BIDAIDEAK BILBAO BSR 88 – MENARINI JOVENTUT 32

Pasaden asteburuan Alemanian egon ondoren, talde bilbotarra Liga txapelketara itzuli zen, garaipen zabalarekin Txurdinagan. Adrián Yáñez-en jokalariek ez zioten aukerarik eman bere aurkariari, Asier Garciaren beste ‘triple-doble’-rekin (12-13-16).