Bi talde bizkaitar daude oraindik lehiatzen estatu-mailako txapelketetan. Batetik, bere horretan jarraitzen du Bilbao Basketek, play-offen jomugari eutsiz. Aldiz, Bartzelonaren aurka ihes egin zion partidua azken bost minutuetan; bestetik, Clavijoren aurka garaitu zuen Santurtzik azken aurreko jardunaldian eta bigarren postuan segituko du horri esker, nahiz eta amaieran seguruenik igoera-mailaren saririk ez jaso.

Hotz hasi ziren bilbotarrak, oso eraginkor aurkariak. Publikoak zutitu zuen taldea orduan, eta nolabait hobetu zuen defentsak. Indartsu aritu zen Tomic barne-jokoan, bizkaitarrak perimetroan sartzera behartuz. Hannah izan zen hoberena, eta partiduan mantendu zen 41-42ra arte. Hortik aurrera, besoa tinkotu zuen Abrinesek eta erabakigarria suertatu. Ezberdintasun exajeratua agian azken emaitzan: 55-77.

Errioxarrak baino hobe ibili ziren santurtziarrak bestalde, Clavijo 66-71 irabazita. Zail izango dute bigarren postuen artean hoberena izateko, hau da, maila igoera lortzeko finaletan sartzea. 38-32 galtzen zuten atsedenean baina buelta ematea lortu zuten bigarren zatian. Mikel Sainz de la Maza gertatu zen erabakitzaile kasu honetan, 20 puntu saskiratuz.