ARGAZKIA: Ander Aguirre

Talde bilbotarrak bigarren garaipen jarraian lortu zuen, laugarren postuan mantentzeko, bi partidako aldearekin seigarren postuarekiko. Nesken Kadete mailan, La Salle Bilbaok ere emaitza garrantzitsua eskuratu zuen, A1erako borrokan jarraitzeko.

NESKEN JUNIOR

Denboraldiko bigarren derbia eta bigarren garaipena Lointek Gernikarentzat, Loiola Indautxuren aurrean (78-46). Partida parekatua mantendu zen 22-21ko emaitzara arte (13 minutuan). Orduan, etxeko taldea ihes egin zen 28-5ko partziala lortzeko eta partidari epaia emateko.

Lointek Gernika liderra da, Loiola Indautxu, berriz, zazpigarren postuan dago, bosgarren plazatik hiru partidara.

MUTILEN JUNIOR

Garaipen garrantzitsua lortu zuen Loiola Indautxuk, asteburuko amaieran (80-78, Araberri). Bilbotarrek bi partidako aldea dute seigarren postuarekiko. Jesuitas ikastetxean, bizkaitarrak ihes egin ziren hirugarren laurdenean (62-46) eta bisitarien 2-13ko partzialari eutsi egin zioten azken txanpan.

Fundación Bilbao Basket Fundazioak galdu egin zuen Baskoniaren kantxan (91-85) eta agur esan zion lehen postuari. Oso partida parekatua, 7-0eko partzialarekin erabaki zena, bi minuture faltan.

Eta beste amaiera parekatuan, What’s Up Barakaldo Salesianos-ek galdu egin zuen Easoren aurrean  (67-72).

NESKEN KADETE

Jardunaldi kaskarra gure taldeentzat, porrot guztiak jaso zutenek.

Emaitzarik estutuena Barakaldon sortu zen: Salesiano 69 – Easo 81. Ezkerraldeko taldeak aukerak izan zituen azken laurdenaren amaiera arte (59-63), baina gero 2-8ko partziala jaso zuen.

Gainerako porrotak malduagoak izan ziren: 97-68, Fundación Bilbao Basket Fundazioarentzat Baskoniaren kantxan; 59-89, Salleko Arkyzurentzat, Araberriren aurrean; eta 55-99, Loiola Indautxurentzat, Atlético San Sebastián taldearen aurka.

NESKEN KADETE

La Salle Bilbaok asteburuko garaipen bakarra lortu zuen (47-36, Asevi Araski). Deustoko taldeak sailkapena estutu du garaipen honekin: orain hirugarren postutik partida batera dago. Erik Cantalapiedrak zuzendutako neskek 14-1eko partziala lortu zuten hasieran.

Denboraldiko lehen porrota jaso zuen Lointek Gernikak, Ordizian (65-64). Bizkaitarrak 9 puntu atzetik azken laurdenean; buelta eman zioten 0-13ko partzialarekin; baina bakarrik bi puntu saskiratu zituzten azken lau minutuetan.

Eta Salesianosek galdu egin zuen etxean, Easoren aurrean (38-51). Barakaldotarrek 2-16ko partziala jaso zuten bigarren laurdenean (10-24) eta beti atzetik joan ziren.