Oso asteburu txar batean gure taldeentzat, moreek irabazi egin zuten EBA ligako derbian, Fundación Bilbao Basket-en kantxan. Jardunaldi honetan bakarrik beste garaipen bat izan genuen, Lointek Gernika Bizkaiak lortutakoa, Kutxabank Araskiren aurka. Gainera, Bidaideak Bilbao BSR-ek agur esan zion Txapeldunen Kopari eta Eurocup 1 txapelketako Zortziko Finala jokatuko du.
REAL MADRID 86 – SURNE BILBAO BASKET 65
Lehen 12 minutuetan, talde bilbotarra aurretik joan zen Wizink Center kantxan, defentsa bikainari esker. Gero, 12-0eko partziala jaso zuen eta madrildarrak oso eroso amaierara arte. Datorren jardunaldian, Jaume Ponsarnauren taldeak partida garrantzitsuari aurre egingo dio Basquet Gironaren aurka.
LOINTEK GERNIKA BIZKAIA 64 – KUTXABANK ARASKI 58
Anna Montañanak zuzendutako taldeak bolada onean jarraitzen du. Malosteko derbian, bizkaitarrek laugarren garaipen jarraian eskuratzu zuten, bosgarren postuan ihes egiteko. Etxekoen defentsa ona lehen zatian (30-22), 15 puntuko aldea hirugarren laurdenean, gasteiztarren erremontada bikaina (50-51) eta 11-3ko partziala garaipena ixteko.
RIOVERDE CLAVIJO 84 – TEKNEI BIZKAIA ZORNOTZA 79
Bigarren postua jokoan zegoen Logroñon eta etxekoek harrapatu zuten. Mikel Garitaonandiaren taldeak agur esan behar izan zion bere bolada onari, nahiz eta hirugarren postuan mantentzen da. Partida hirugarren laurdenean erabaki zen: etxekoen 12-0ekoa (49-39) eta beti aurretik. Bizkaitarrak bi puntura hurbildu ziren, baina ezin izan zioten partidari buelta eman.
HGB AUSARTA BARAKALDO 68 – BF LEÓN 77
Alberto Cearen neskek ez zuten bigarren garaipen jarraian lortu Lasesarren. Oso partida parekatuan, bizkaitarrek ezin izan zuten beti aurretik joan zen aurkaria gainditu. Bisitariek 8 puntuko aldera joan ziren azken laurdenaren hasieran (55-63) eta etxekoen bultzadari eutsi zioten partidari amaiera emateko 0-6ko partzialarekin.
FUNDACIÓN BILBAO BASKET 72 – CB SANTURTZI SK 80
La Casillako derbia Santurtzira joan zen. Moreek denboraldiko bi partidetan irabazi egin zuten eta zortzigarren postura igo dira, bere hirugarren garaipen jarraiari esker. Bilboko kantxan, bisitarien nagusitasuna lehen zatian (27-43 eta 32-45). Gero, etxekoen erremontada partida berdintzeko (56-56). Mikel Torreren taldeak ezin izan zuen aurretik jarri eta Gotzon Arrietarenak berriro ihes egin ziren (67-73), libre marratik partidari epaia emateko.
EREAGA CLÍNICA DENTAL GETXO SASKI 70 – GRUPO DE SANTIAGO 76
Bigarren porrot jarraian Imanol Adanek zuzendutako taldearentzat, bigarren postuan mantentzen dena. La Casillan jokatutako neurketaren oso antzekoa: bisitarien nagusitasuna lehen zatian (25-40), getxoztarren erremontada aldagelan egon ondoren (50-51), 70nako berdinketa bi minuturen faltan eta 0-6ko partziala garaipena lortzeko.
TABIRAKO BAQUÉ 78 – LBC COCINAS.COM 85
Bigarren laurden kaskarrak (11-31) garaipenik gabe utzi zion Durangoko taldeari, liderraren aurka. Xabier Chicoren mutilek ez zuten amore eman eta bigarren zati bikaina jokatu zuten, 3 puntura hurbiltzeko (76-79) bi minuturen faltan. Baina Borja Arevalok bizkaitarren itxaropenekin amaitu zuen.
BIDAIDEAK BILBAO BSR
Txurdinagan jokatutako multzo fasearen ondoren, talde bilbotarrak Txapeldunen Kopako final laurdenei aurre egiten zien Alemanian. Adrian Yáñez-en gizonek bi porrot jaso zituzten, Lauko Finalean sartzeko aukerarik gabe utzi ziotenak. Azken partidan iritsi zen kontsolamendua: garaipena Porto Torres-en aurrean eta Eurocup Bat txapelketako Zortziko Finalerako txartela.
Ilunion 88 – 67 Bidaideak Bilbao
Bidaideak Bilbao 69 – 76 Thuringia Bulls (GER)
Bidaideak Bilbao 82 – 62 Porto Torres (ITA)
