Ligako hamabigarren jardunaldia, lehen faseko azken hirugarrena, eta derbi batzuk genituen jardunaldiko programan. Parekatuena Nesken Junior mailan jokatu zen, non Tabirako Baquek Lointek Gernika liderrari irabazteko zorian egon zen

MUTILEN JUNIOR

Santurtzik denboraldiko fase erabakigarrirako prestatzen jarraitzen du. Ezkerraldeko taldeak garaipen berri bat lortu zuen Zarautzen (64-87), neurketaren hasiera bikainari esker (6-25). Eta Urretan, hasieratik aurretik Fundacion Bilbao Basket garaipen erosoa lortzeko (56-90). Hurrengo jardunaldian (urtarrilaren 15ean), Ibaizabalek neurketa klabea jokatuko du, Mondragon Unibertsitatearen kantxan, A1erako txartela lortzeko.

NESKEN JUNIOR

Landako derbia sailkapenean aurreikusitakoa baino berdinagoa izan zen. Tabirako Baquek Lointek Gernika liderrari aurpegia eman zion partida osoan zehar (36-41) eta aurretik joan zen hirugarren laurdenaren erdialdera arte (22-19). Une klabea azken laurdenaren hasieran iritsi zen, kanpokoek 2-9ko partziala lortu zuenean markagailuan ihes egiteko. Eta asteburuko amaieran, Loiola Indautxuk argi eta garbi irabazi egin zion azken postuan dagoen Zast Zarautzi (84-44). Hurrengo partidan, bilbotarrek Easo gainditu beharko dute A1ean egoteko aukerak mantentzeko.

MUTILEN KADETE

Ez zen ustekaberik egon Mikel Truebaren derbian. Fundacion Bilbao Basket-en nagusitasunak inposatu zen hasieratik (23-120). Jesuitas Ikastetxean, Loiola Indautxuk 2-15eko partziala jaso zuen bigarren laurdenean eta, momento horretatik, ez zuen irabazteko aukerarik izan (59-86). Bilbotarrek garaipen bat gehiago lortu beharko dute A1ean egoteko, matematikoki.

NESKEN KADETE

Derbi genuen Malosten eta logika nagusi izan zen. Porrotik gabeko Lointek Gernikak denboraldiko 12. garaipena eskuratu zuen, Loiola Indautxuri erraz irabazita (97-33). Eta La Sallen, bilbotarrek galdu egin zuen Bera Beraren aurrean, 26-85ko emaitzarekin.