Jarduera Fisikoa eta Kirola – Eusko Jaurlaritza – Federación Vizcaína de Baloncesto

Jarduera Fisikoa eta Kirola – Eusko Jaurlaritza

Mugakide diren udalerrien arteko mugikortasuna baimentzen da kirol-jarduerak edo aire zabaleko jarduera fisikoak egiteko.

JARDUERA FISIKOA ETA KIROLA

Kirol-jarduera fisikoa bakarka edo taldeka egin ahal izango da aire zabalean, kontaktu fisikorik gabe, eta gehienez ere 6 pertsonako taldeetan, aldi berean.
- Aldi berean talde bat baino gehiago egon daitezke.
- Ez da onartzen taldeen eta horien arduradunen arteko harremana, eta arduradun bat egon daiteke talde batekin baino gehiagorekin.
- Maskararekin, jarduera fisikoko uneetan izan ezik, betiere pertsonen arteko gutxieneko segurtasun-distantzia 1,5 metrokoa dela bermatzen bada.
Ehiza-jarduera mota guztiak eta Ibaiko eta itsasoko arrantza, kirol-arrantza eta jolas-arrantza. Ibaiko eta itsasoko arrantza, kirol-arrantza eta jolas-arrantza mota guztiak baimentzen dira, beti ere pertsonen arteko segurtasun-distantzia mantentzen bada. Maskara erabiltzea nahitaezkoa izango da, nahiz eta pertsonen arteko segurtasun-distantzia 1,5 metrokoa den.
Kirol-eremuak, skate pistak edo aire zabaleko erabilera publikoko antzeko espazioak jendearentzat irekita egon ahal izango dira, baldin eta horietan gehieneko edukiera errespetatzen bada: barrutiaren azaleraren espazio konputagarriko 4 metro koadro bakoitzeko pertsona 1. Udalei dagokie espazioa antolatzea, baita garbitasun- eta higiene-baldintzak bermatzea ere.

KIROL-INSTALAZIOAK (Igerilekuak barne)

Bakarkako Kirola egin ahal izango da.
Gimnasioetan programatutako ikastaroak edo jarduerak egin ahalko dira, atsedenaldietan eta joan-etorrietan maskara erabiliko. Maskara ez da beharrezkoa izango jarduera momentuetan, baldin eta 1,5 metroko gutxieneko segurtasun-distantzia bermatzen bada, eta une oro instalazio bakoitzaren berezko protokoloetan ezarritakoa betetzen bada.
Aforoa baimendutakoaren gehieneko edukieraren %50 izango da.
Instalazioa une oro era egokian aireztatua mantendu behar da.
Aldagelak eta dutxak erabili ahal izango dira, babes-arauak betez eta pertsonen arteko gutxieneko 1,5 metroko distantzia mantenduz.
Taldeka ematen diren ekintzetan, taldeko, gehienez 6 lagun izango dira.
- Gehieneko edukiera %50 izango da.
- Aldi berean talde bat baino gehiago egon daitezke.
- Ez da onartuko taldeen eta horien arduradunen arteko harremanik, eta arduradun bat egon daiteke talde batekin baino gehiagorekin.

ENTRENAMENDU ETA LEHIAKETA PROFESIONALAK ETA ERDI-PROFESIONALAK

Urriaren 26ko Dekretuan agertzen den “Profesionala” eta “erdiprofesionala” kontzeptuak, honako hauek dira
- Lehiaketa Profesionala: Futbola: Liga Santander eta Liga Smartbank eta Saskibaloian: Liga Endesa (ACB), baita talde horiek parte hartzen duten nazioarteko lehiaketak ere.
- Lehiaketa Semiprofesionala: Egutegi ofizialeko estatuko eta nazioarteko lehiaketa ezberdinak eta baita Euskal Federazioak antolatutako maila goreneko lehiaketak ere; hauek guztiak kategoria absolutuan. Atal honetan sartzen dira ere kirol autoktonoen goreneko lehiaketak.maila absolutuan.
Entrenamenduak eta kirol-lehiaketak baimentzen dira. Hauek taldekako mugarik gabe eta mugikortasun-mugarik gabe entrenatu ahal izango dute.
Basque Team-eko Kirolari eta teknikariek eta Goi-mailako izendatutakoek bai lehiatzeko eta baita entrenatzeko aukera izango dute, taldeak mugatu eta mugikortasuna murriztu gabe.
Maskara nahitaez erabili beharko da, jarduera momentuetan izan ezik.

ENTRENAMENDU ETA LEHIAKETA FEDERATUAK.

Aurreko puntuan jasota ez dagoen kirol federatuaren lehiaketa eteten da.
Kirol federatuen entrenamenduak baimentzen dira, beti ere 6 pertsonako taldeetan
- Aldi berean talde bat baino gehiago egon daitezke.
- Arduradun bat egon daiteke talde batekin baino gehiagorekin.
- Maskara nahitaez erabili beharko da, jarduera momentuetan izan ezik.
Kirol federatukoek mugatuta dute mugikortasuna, bere udalerrira eta alboko udalerrira.

ESKOLA KIROLA

Taldekako zein bakarkako Eskola kiroleko entrenamenduak baimentzen dira.
Eskola-kiroleko lehiaketa bertan behera geratzen da (2007an eta ondoren jaiotakoetan). Eskola-kiroleko entrenamenduak baimenduta daude.
Taldeka egiten diren jardueretan eta/edo entrenamenduetan:
- Ikastetxeetan ematen diren jarduerek eta/edo entrenamenduek, ikastetxeetako protokoloak bete beharko dituzte.
- Gainontzeko instalakuntza publiko zein pribatuan, gehienez ere 6 lagun arituko dira talde bakoitzean; talde bat baino gehiago egon daiteke aldi berean; ezin izango da talde edo pertsonen arteko harremanik izan, eta talde bat baino gehiagoko arduradun bat egon daiteke.

LEHIAKETAK. KIROL-EKITALDI ETA IKUSKIZUNAK

Arriskuak murrizteko plan (protokolo) bat izan beharko dute, eta Osasun Publikoaren Zuzendaritzak ebaluatuko du plan hori.
Antolatzaileek plan (protokolo) hau diete erakunde eskudunei aurkeztu beharko diete lehiaketa garatzeko baimena eskatuz

PUBLIKOA BERTARATZEA

Ekitaldia egiten den udalerrian bizilekua finkatuta duten pertsonak eta ondoko udalerrian bizi direnak, joan ahal izango dira.
Instalazioetan pertsonen arteko segurtasun-distantzia mantentzeko beharrezko neurriak ezarri beharko dira, edo, halakorik ezean, babes fisikorako neurri alternatiboak baliatuko dira.
Maskara erabiltzea nahitaezkoa izango da, nahiz eta pertsonen arteko segurtasun-distantzia 1,5 metrokoa den (Bizikidetza-unitateen kasuan izan ezik, halakoetan ondoz ondoko eserlekuetan eseri ahalko dira eta).
Ikus-entzuleak eserita egon beharko dira eta aulkia aurrez esleitzea eskatuko da.

GEHIENEKO EDUKIERA ESPAZIO ITXIETAN

GEHIENEKO EDUKIERA AIRE ZABALEKO ESPAZIOETAN

Baimendutakoaren % 50ko gehieneko edukiera eta gehienez ere 600 pertsonara arte.
Aire libreko kirol-lehiaketak egitean, esaterako, arraunketa, atletismoa, errepideko txirrindularitza, automobil-rallyak eta antzekoak:
- Ekitaldia gauzatuko den espazioa edo ibilbidea aurrez mugatuko da, eta espazio edo ibilbide bakoitzean gehienez ere 600 pertsona baimenduko da.
- Bertaratzen diren edo parte hartzen duten pertsonen artean 1,5 metroko distantzia fisikoa mantenduko da
- Maskara nahitaez erabili beharko da.