(ARGAZKIA: O. Villaverde) Bilboko taldeak oso garaipen garrantzitsua lortu zuen etxean, Ekiola Ointxeren aurka, A1erako txartela eta permanentzia lortzeko. Gainera, oso jardunaldi parekatua Nesken Juniorretan eta Fundación Bilbao Basketen garaipena, Ibaizabalen aurrean, asteburuko derbi bakarrean.

MUTILEN JUNIOR

Santurtzik bere kantxan liderretako bat hartu zuen Mikel Trueban eta harrapatzeko aukera zuen. Baina lehen laurden parekatuaren ondoren eta 26nako berdinketaren ostean bigarrenean, Fundación 5+11k bizkortu egin zuen, 0-14koarekin, eta ez zien aukerarik eman Eneko Izkararen mutilei. Tolosan, Fundacion Bilbao Basketek epaia eman zion atsedenaldiaren aurretik (17-50 eta 63-86 amaieran). Eta Donostian, Ibaizabalek argi eta garbi galdu zuen Easo Gipuzkoa Basket Mandoegi den mailako beste liderraren aurka (84-42).

NESKEN JUNIOR

Lehen faseko hamargarren jardunaldia oso parekatua izan zen: gure taldeen partida guztiak 5 puntu edo gutxiagogatik erabaki ziren.
Lointek Gernika liderrak partida zaila aurrera atera zuen Maloste, FSGroupe Arabaren aurrean (75-72), azken segundutan erabaki zen neurketan. Landakon, Tabirako Baquek A1ean egongo den Easo Ibaeta Basket-i irabazi zion, 67-62ko emaitzarekin. Etxekoen bigarren laurden zoragarria jokatu zuen (22-6) eta garaipenera iritsi ziren 16-4ko partzialari esker. Eta Azkoitian, Loiola Indautxu erremontada ikusgarria lortzeko zorian egon zen: 36-15 emaitzagatik galtzen zuen atsedenaldian, baina bakarrik 10 puntu jaso zituen bigarren zatian (46-43).

MUTILEN KADETE

Loiola Indautxuk ia A1erako txartela eman dion garaipena lortu zuen. Bilbotarrek aurkari zuzen bati irabazi zion (77-72) eta jada bi garaipeneko aldea dute Ekiola Ointxerekiko. Asko zegoen jokoan Jesuitas Ikastetxean eta berdintasun handia (58-58 azken laurdenaren hasieran eta 70nako berdinketa 38. minutuan. Momentu honetan Iker Mojaren taldeak 6-0 partzial erabakigarria lortu zuen.

Urretako derbian, Fundación Bilbao Basketek argi eta garbi gailendu zion Ibaizabal taldeari (36-125). Eta Santurtzik partida ona jokatu zuen Donostian, baina ez zen nahikoa izan Easo Gipuzkoa Basket gainditzeko.

NESKEN KADETE

Berriro oso emaitz zabalak gure taldeentzat. 10tik 10ra Lointek Gernikarentzat, Easo Ibaeta Basket Buruzari irabazi ondoren 55-91ko emaitzarekin. Judimendin, Loiola Indautxuk ez zuen aukerarik izan Consulting Alaves Araskiren aurrean (25-5 lehen laurdenean). Eta La Sallek aurpegia eman zion hasieran (9-13), baina garaipenik gabe jarraitzen du (30-69ko emaitza Movilteck ISB-ren aurka).