Bilbotarrek galdu egin zuten Santurtziren aurka, baina titulurako borrokan arituko dira aberageri esker. Datorren asteburua azken jardunaldia jokatuko du A1 multzoetan eta Lointek Gernikak lehen postua amaitzeko aukerak ditu bai Junior bai Kadete mailan.

MUTILEN JUNIOR A1

Porrot gozoa Fundación Bilbao Basket-entzat, garaipen garratza Santurtzirentzat. Moreek La Casillan irabazi zuen, baina etxekoek aberagea mantendu zuten eta Lauko Finala jokatuko dute.

Santurtzik 17 puntugatik irabazi behar zuen eta 11 puntuko aldea izan zuen bi minuturen faltan, baina bilbotarrek partida itxi zuten libre marratik. Azken jardunaldian hirugarren postua izango da jokoan, Fundación Bilbao Basket eta Getxoren artean. Eskuinaldeko taldeak Easoren kantxan galdu zuen (69-66).

A2-an, Loiola Indautxu lider multzoan mantentzen da Axa Amurriori irabazita (78-72). Eta Ibaizabalek galdu egin zuen etxean, 63-64ko emaitzarekin, Mondragon Unibertsitatearen aurka, Lagunillaren 2+1eko erabakigarriarekin.

NESKEN JUNIOR A1

Lointek Gernikak pronostikoak bete zituen Malosten (69-44, Bera Beraren aurrean) eta lehen postua eta Espainiako txapelketarako txartela jokatuko du Gasteizen. Bere aurkaria FSGroupe Araba izango da, jada Lauko Finalerako txartela duena.

Eta A2-an lidergoan ihes egin da La Salle (8-1), Loiola Indautxu gainditu ondoren (77-67) Bilboko derbian. Etxekoek 23 puntuko aldea izan zuten hirugarren laurdenaren hasieran (45-22), baina bisitariek buelta eman zioten (54-59). Une horretan, liderrek 14-3ko partziala lortu zuten, garaipena hartzeko.

Jardunaldiko gainerakoan, Centro de Estudios Mikeldi USK taldeak garaipen erosoa lortu zuen Gasteizen (51-77) eta azken postuan dagoen Tabirako Baquék galdu zuen etxean, Fundación 5+11ren aurka (52-62).

MUTILEN KADETE A1

Opebask Centro de Oposiciones Barakaldo Basketek agur esan zion Lauko Finalari. Ezkerraldeko taldeak Easoren aurka galdu egin zuen (86-66) eta bosgarren postuan amaituko du bigarren fasea.

Eta Fundación Bilbao Basket  bigarrena izango da, beste garaipen zabala lortu ondoren Araberriren aurka (95-44).

Gainera, A2-an, Tabirako Baque kolider bezala mantentzen da Santurtziren aurkako derbian irabazi ostean, 67-58ko emaitzarekin. Partida parekatu baten ondoren, moreak 6 puntuko aldera joan ziren azken laurdenean (47-53), baina durangarrek partida itxi zuten 9-0eko partzialarekin, azken bi minutuetan.

Loiola Indautxu eta Ibaizabal sailkapeneko azken postuetan daude. Bilbotarrek ezin zuten Jotake gainditu (69-73), Galdakaoztarrek, berriz, galdu egin zuen Fundación 5+11ren aurka (36-88).

NESKEN KADETE A1

Gutxienez, Lointek Gernika bigarrena izango da. Busturialdeko taldeak Easoren kantxan irabazi zuen 59-66ko emaitzarekin eta, azken jardunaldian, liderrak izango dira Ekiola Ointxeri irabazten badio eta Optica Troconiz Arabak galtzen badu Movilteck ISBren aurrean.

A2-an, Tabirako Baquek bigarren postuan jarraitzen du AZ Participación Araba gainditu ondoren, 61-44ko emaitzarekin. Barakaldo Basketek ere garaipena lortu zuen, Fundación 5+11ren aurrean, 49-46. Ezkerraldekoak laugarren postuan daude, bigarren postuatik bi partidara.

Eta porrotak Bilboko taldeentzat: Ordizia KE 76 – Loiola Indautxu 67 y Consulting Alavés Araski 46 – La Salle Bilbao 27.