ARGAZKIA: @BsrEspana
13tik 13 talde bilbotarrarentzat, emozioz beteriko garaipena lortu zuenak Txurdinagan, azken jokaldian. Eta 20tik 19 Teknei Zornotza Bizkaiarentzat, lider sendoa Tercera FEB mailan. Horbisa Spirit GreenKW Barakaldok asteburuko beste garaipena eskuratu zuen.
RECOLETAS SALUD SAN PABLO BURGOS 96 – SURNE BILBAO 88
Errege Kopak eta nazioarteko partidek eragindako geldialdiaren ondoren, talde bizkaitarra ligara itzuli zen porrot batekin, azkenaurreko sailkatuaren kantxan, azken laurden kaskarraren ondorioz. Jaume Ponsarnauk zuzendutako mutilak aurretik partida osoan zehar, 13 puntuko aldearekin 10 minuturen faltan (64-77). Baina etxekoek buelta eman zioten 25-7ko partzial ikusgarriari esker, beharrezko garaipena lortzeko.
LOINTEK GERNIKA 67 – VALENCIA 68
Talde bizkaitarra jaitsierako postuekin berdinduta dago, denboraldiko bigarren geldialdiaren hasieran. Porrot mingarria Maloste, etxekoek bi jaurtiketa izan baitzituzten garaipena eskuratzeko, erremontada bikainaren ondoren: Gernika 12 puntu atzetik bost minuturen faltan, baina garaipena lortzeko zorian egon ziren.
IBAIZABAL 54 – TALENT BOET MATARO 57
Txutxi Solarrek zuzendutako neskek porrota jaso zuten etxean, zortzigarren sailkatuaren aurrean (lau garaipen jarraiarekin). Bizkaitarrak hirugarren postura jaitsi dira, baina bere aldea mantenduz. Galdakaoztarrak beti atzetik eta buelta eman zioen azken txanpan, 8-0eko partzialarekin (52-51). Une horretan agertu zen Vilafrancak, partidari epaia emateko hiruko marratik.
ROMAKURUMA UE MATARÓ 47 – HORBISA SPIRIT GREENKW BARAKALDO 62
Otsailaren 22an jokatutako neurketan, talde bizkaitarrak denboraldiko hamaikagarran garaipena eskuratu zuen, hirugarren jarraian. Beti aurretik markagailuan, Aritz Duroren neskek bere behin betiko kolpea eman zuten azken laurdenaren hasieran: 0-9ko partziala, 37-52ko emaitza ipintzeko.
TEKNEI BIZKAIA ZORNOTZA 105 – CONSTRUCCIONES GONZALO CRESPO PAS PIELAGOS 63
19 garaipen 20 partidetan talde bizkaitarrentzat, zazpigarren garaipen jarraian eskuratu zuenak. Larrean, bosgarren sailkatuaren aurrean (bolada onean iritsi zena), bizkaitarrek ez zuten aukerarik eman eta partida erabakita utzi zuten atsedenaldian, bigarren laurden ikusgarriari esker: 36-16ko partziala eta 62-32ko emaitza.
RECOLETAS SALUD CARBAJOSA 81 – UNIVERSIDAD DEUSTO LOIOLA INDAUTXU 78
Hirugarren porrota jarraian talde bilbotarrarentzat, aurkari zuzen aurrean saikapeneko arriskutsu postuetan. Bizkaitarrak atzetik hasieratik (21-15ko emaitza lehen laurdenean) eta etxeko taldeak 11 puntuko aldea izan zuen hirugarrenean (54-43). Baina bilbotarrek erremontada bikaina sortu zuten, partidari buelta emateko (77-78). Bakarrik epaia ematea falta zitzaien, bi baloi galdutarekin azken minutuan.
BBK BIDAIDEAK BILBAO 70 – AMIVEL REYES GUTIÉRREZ 69
13tik 13 BBK Bidaideak Bilbao taldearentzat, Txurdinagan lortutako garaipenari esker, partida tranpa batean. Bisitariak bolada onean iritsi ziren eta 12 puntuko aldearekin sartu ziren azken laurdenera. Etxekoen erremontadak partida berdintzea lortu zuen eta, emozioz beteriko amaieran, bilbotarrek garaipena harrapatu zuten azken segunduan, porrotik gabe jarraitzeko 25/26ko denboraldian.
