ARGAZKIA: Arkaitz Buron
Asteburu txarra gure Elite taldeentzat, bi garaipenekin bost partidetan. Alde batetik, Teknei Bizkaia Zornotzak hamaikagarren garaipen jarraian lortu zuen. Eta beste aldetik, Horbisa Spirit Greenkw Barakaldok euskal derbia eskuratu zuen, Ointxeren aurka.
UCAM MURCIA 100 – SURNE BILBAO 81
Bilbotarrek eta murtziarrek FIBA Eurocup finalean elkar ikusi ahalko dute. Larunbatean, bizkaitarrek porrot gogorra jaso zuten. Lehen zatian, Jaume Ponsarnauk zuzendutako mutilek etxekoen saskiratzaile erritmoari eutsi egin zioten (49-47). Bigarrenean, dena aldatu zen Krampelj-ek egindako falta gogor baten ondoren. Hortik aurrera, bizkaitarrek ez zuten partida irabazteko aukerarik izan.
MARISTAS CORUÑA 63 – IBAIZABAL 36
Denboraldiko porrotik handiena jaso zuen talde bizkaitarrak liderraren kantxan, atsedenaldian erabakitako neurketan (39-20). Egun oso kaskarra galdakaotarrentzat: 53tik 13 jaurtiketetan eta 18 baloi galduta. Porrotak ez zituen ondoriorik izan sailkapenean, Ibaizabal igoerako borrokan egongo delako.
HORBISA SPIRIT GREENKW BARAKALDO 60 – SMARTLOG OINTXE 54
Aritz Duroren neskek Lasesarren jokatutako euskal derbia harrapatu zuten, azken laurden ikusgarriari esker. Lehen zatian, gipuzkoarrak ihes egin ziren azken minutuetan (23-34). Eta 11 puntuko aldea mantendu zuten zazpi minuturen faltan (39-50). Orduan, Ezkerraldeko taldea erremontada ikusgarria sortu zuten garaipena lortzeko.
TEKNEI BIZKAIA ZORNOTZA 86 – IRUKI TAKE 82
Talde bizkaitarraren bolada ona ez da amaitzen. Hamaikagarren garaipen jarraian, lan askorekin Tolosako taldearen aurka. Gipuzkoarrak aurretik atsedenaldina (40-43). Gero, 14-3ko partziala (59-52) eta bisitarien erreakzioa (79-80, azken minutuan). Borja Mendiak saskiratutako 2+1ekoak eta gipuzkoarren akatsak libre marratik garaipena utzi zuten Larrean.
MEGACALZADO ARDOI 80 – UNIVERSIDAD DEUSTO LOIOLA INDAUTXU 75
Bi jardunaldiren faltan liga amaitzeko, talde bizkaitarrak porrot garrantzitsua jaso zuen aurkari zuzen baten aurrean. Bilbotarrak beti atzetik, hasiera txarraren ondoren, baina berdinketa lortu zuen (46-46). Une klabea bost minuturen faltan iritsi zen, 9-2ko partzialarekin (70-60). Loiolak saiatzen jarraitu zuen, baina nafarrek ez zuten huts egin libre marratik.
