Giro bikaina harmailetan eta joko ikusgarria kantxan, HGB Horbisa Spirit GreenKW Barakaldoren garaipenarekin Barça CBS-en aurrean. Surne Bilbao Baske-ek ere estreinaldi bikaina izan zuten Endesa Ligan, aste zoragarria itxiz.
SURNE BILBAO BASKET 90 – RÍO BREOGÁN 72
Aste magikoa talde bilbotarrentzat: garaipen bikoitza Europan eta estreinaldi bikaina Endesa Ligan. Bizkaitarrak beti aurretik joan ziren, baina ihes egin gabe, eta azken laurdenaren hasieran bere kolpe handia eman zuten: 14-0eko partzial ikusgarria eta 78-61ko emaitza Miribillan. Bilboko pabilioiak Gracia Alonso de Armiñori omenaldia egin zion, Pariseko Joko Olinpikoetan lortutako zilarrezko dominagatik.
HORBISA SPIRIT GREENKW BARAKALDO 77 – DOMUSA TEKNIK ISB 57
Harmailetan iritsi zen denboraldiko lehen albiste handia: 1800 zale kurtsoaren estreinaldian Lasesarren. Giro bikain honek talde bizkaitarra bultzatu zuen lehen garaipena lortzeko, hasieratik amaiera arte kontrolatutako partidan: 25-11ko emaitza lehen laurdenean eta 63-42 hamar minuturen faltan. Aritz Duroren neskek 10 hiruko saskiratu zituzten eta 10 jokalarik punturekin neurketa amaitu zuten.
BILBAO BASKET FUNDAZIOA 70 – MONDRAGON UNIBERTSITATEA 62
Talde bizkaitarrak porrotik gabe amaitu zuen EBA mailako Euskal Kopako lehen fasea, bigarren garaipena lortu ondoren Artxandan. Emozioz eta berdintasunez beteriko neurketa, bilbotarrek erreakzionatuz lehen zatiko amaieran (20-27tik 29-28ra). BIgarrenean, beti 4-5 puntuko aldea etxekoentzat, baina 59-58ko markagailua 4 minuturen faltan. Une horretan, 5-0eko partziala ta defentsa garaipena ixteko.
