ARGAZKIA: Ángel Grande
Jaia Malosten, nahiz eta porrota jaso Valentziaren aurka. Lucas Fernandezek zuzendutako neskek 2025eko Erreginaren Koparako txartela ziurtatu zuten. Gernikako taldearean pasea asteburuko albiste on bakarra izan zen gure Elite taldeentzat. Ez zen jardunaldirik egon LF2, BSR eta 3. FEB lehiaketetan.
LA LAGUNA TENERIFE – SURNE BILBAO BASKET
Asteburuko azken partidan, talde bizkaitarrak agur esan zion bere bolada onari (hiru garaipen jarraian). Bizkaitarrek lehen zati bikaina jokatu zuten eta aurretik joan ziren aldageletara (40-42). Baina partida ihes egin zitzaien hirugarren laurdenaren azken minutuetan, 54-51tik 67-57ra pasatu zenean. Azken laurdenean, Jaume Ponsarnauren mutilek ez zuten aukerarik izan.
LOINTEK GERNIKA BIZKAIA 68 – VALENCIA BC 75
Lehen itzuliko porrotik gozoena jaso zuen Lointek Gernika Bizkaiak Malosten. Lucas Fernandez-en neskek 2025ko Erreginaren Koparako txartela ziurtatu zuten, nahiz eta galdu Ligako txapeldunaren aurrean. 35enako berdinketa atsedenaldian eta bisitariak ihes egin ziren hirugarrenean (50-59). Etxekoen erreakzio bikaina (59-63), baina valentziarrek oso ondo harrapatu zuten garaipena. Bizkaitarrek 8-7ko balantzearekin itxi dute lehen itzulia, bi porrotekin denboraldia hasi ondoren.
TEKNEI BIZKAIA ZORNOTZA 78 – BIELE ISB 90
Talde bizkaitarrak porrot batekin hasi zuen 2025ko urtea, Larreako derbian, bolada onean dagoen liderraren aurka (7 garaipen jarraian). Beti aurretik gipuzkoarrak, 10 puntuko aldearekin hirugarren laurdenaren hasieran (41-51). Abantaila hori handitu egin zen: +18 zazpi minuturen faltan. Etxekoek erreakzionatu egin zuten eta 8ra hurbildu ziren, baina garaipena lortzeko aukerarik gabe.
DOMUSA TEKNIK ISK 69 – HORBISA SPIRIT GREENKW BARAKALDO 58
14. jardunaldiko aurreratutako neurketan (abenduaren 28an jokatutakoa), talde barakaldotarrak galdu egin zuen Azpeitiako derbian. Gipuzkoarrak ihes egin ziren bigarren laurdenean (35-26), baina bizkaitarrek 51nako berdinketa lortu zuten. Aritz Duroren neskek ezin izan zuten aurretik ipini eta etxekoek 10-0ekoarekin partida erabakita utzi zuten.
