EUSKAL LIGA: Loiola Indautxuk eta Zornotzak pronostikoak bete dituzte eta A1ean jokatuko dute
Asteburu honetan Euskal Ligetako azken jardunaldia ospatu zen, non ia guztia erabakita zegoen eta talde bizkaitarrek ezer gutxi zuten jokoan. Euskal Ligara igoera lortu zuten 4 taldeen faseetan zegoen emozio nagusia, izan ere A1eko postu bakarragatik lehiatzen ziren. Gure bost ordezkarietatik bik lortu dute helburua, Loiola Indautxu Gizonezko Juniorretan eta Zornotza Gizonezko Kadeteetan.
Lau faseetatik hiru Bizkaian ospatzen dira, Emakumezko Juniorrena La Sallen, Gizonezko kadeteena Amorebietan eta Emakumezko Kadeteena Askartzan. Gizonezko Juniorrena Tolosan ospatu zen- Gure ordezkariak: La Salle (EJ), Loiola (GJ), Askartza (EK), Zornotza y Paules (GK).
