Eskola-kirola bertan behera, entrenamenduak barne
Bizkaiko Foru Aldundiak iragarri berri du nola eragiten dioten eskola-kirolari EHAAn argitaratutako azaroaren 6ko 38/2020 Dekretuan jasotako neurri berriek, eta kirol-jarduera bertan behera geratzen da berriro jakinarazi arte. Jarraian komunikatu ofiziala.
38/2020 DEKRETUA, azaroaren 6koa, lehendakariarena, zeinaren bidez honako dekretu hau aldatzen baita: 36/2020 Dekretua, urriaren 26koa, lehendakariarena, zeinaren bidez osasun publikoko prebentzio-neurriak hartzen baitira alarma-egoeraren adierazpenaren eremuan, egoera epidemiologikoaren bilakaeraren ondorioz eta SARS-CoV-2k eragindako infekzioen hedapena geldiarazteko, jakinarazten dizuegu azaroaren 7tik aurrera, (indarrean jartzen den egunetik aurrera) eskola-kirolaren jarduera, hau da, derrigorrezko eskolatze-aldian eskola-orduetatik kanpo ikasleek egiten duten kirol-jarduera, etenda geratzen da beste abisu bat eman arte.
