Bizkaiko Saskibaloi Federazioak bat egiten du Bizkaiko Foru Aldundiak bultzatzen duen kanpainarekin, Emakumeenganako Indarkeriaren aurkako Nazioarteko Egunari lotuta. Kanpaina hau, zoritxarrez, urtero jarri behar dugu martxan. 2004tik Bizkaian guztira 38 emakume hil dituzte.  Ezin dugu sufrimendu gehiago jasan, ezta indarkeria gehiago ere. Ez heriotza bat gehiago, ez bizitza bat gutxiago.

Aurkezten dizugun kanpaina hau gure Lurralde Historikoko herritar guztiei zuzenduta dago, baina bereziki gizonengana eta, bereziki, gazteenengana iristea du helburu. Gizon osoagoak, egiazkoagoak, benetakoagoak, beren buruaz seguruagoak, ez hain matxistak, liberatuagoak eta positiboagoak, teknologien erabilera arduratsuagoa eta berdintasunezkoagoa duten gizonen alde dago.

#DESINSTALATU MATXISMOA / #DESINSTALA MACHISMO

Konparazio teknologiko batean, matxismoaren aplikazioa gure aparatuetatik desinstalatzen badugu, positiboan batuko dugu, irabazia partekatua izango da.

Aurreko urteetan bezala, Bizkaiko kirol sistema animatu nahi dugu A25ari lotuta bultzatzen dugun kanpainarekin laguntzera. Horregatik, Kirol Zuzendaritza Nagusiak harremana duen entitate, erakunde eta pertsona guztiekin sinatutako gutuna eta kanpainaren kartelak (euskaraz eta gaztelaniaz) partekatzeko eskatzen dizuegu.

Espero dugu, beti bezala, Bizkaiko kirol munduak gai izango dela gure gizartean dirauen gaitz horri aurre egin eta desagerrarazteko.